Pal plui variabil. Dopomisdì plui nûi cu la pussibilitât di cualchi precipitazion improvise o cualchi temporâl a nivel locâl, soredut su la fasse prealpine.

Cîl variabil cun plui soreli di matine. Dopomisdì e podarà jessi cualchi precipitazion ca e là o cualchi precipitazion improvise o cualchi temporâl a nivel locâl, cun plui probabilitât bande lis Prealps Cjargnelis; cuote de nêf a 900-1100 metris. A cuote alte a dadis al soflarà aiar di Nord o Nordest moderât. Temperaduris ancjemò sot de norme cun glaçadis di matine.

Nûi o cîl dut innulât. Cul dopomisdì precipitazions difondudis di debilis a moderadis. La cuote de nêf e sarà in calade di 1000-1200 metris dopomisdì a 600-800 metris di sere e di gnot dopo. Al soflarà aiar moderât di Nordest a cuote alte.

Nûi o cîl dut innulât. Precipitazions debilis o moderadis, che a saran plui difondudis di gnot e plui ca e là, cun caratar di temporâl, cul dopomisdì. La cuote de nêf e sarà in medie a plui o mancul 700-800 metris, ma di gnot e fin di matine al podarà lâ jù fin a 500-600 metris. Al soflarà aiar moderât di Buere su la fasse orientâl o di Nordest a cuote alte, cun svintadis avonde fuartis di matine sul Cjars e a Triest.

Nûi o cîl dut innulât. Dopomisdì precipitazions improvisis o temporâi ca e là, cun plui probabilitât su la marine e su la planure orientâl. Di matine al soflarà aiar di Nordest moderât su la fasse orientâl de regjon. Temperaduris ancjemò sot de medie dal periodi.